Paribahasa sunda

#
Lain lantung tambuh laku, lain lentang tanpa béja lain leumpang maladra. = Indit ti imah kalawan ngandung maksud anu tangtu, lain lampah sakaparan paran henteu puguh anu dijugjug.
#
Lain ku tulang munding kabeureuyan mah, ku cucuk péda. = Arék cilaka mah ku kasalahan anu leutik ogé bisa, teu kudu ku kasalahan anu gedé baé.
#
Landung kandungan laér aisan. = Gedé timbanganana, gedé pangampurana.
#
Langsung saur bahé carék. = Sok gampang ngagelendeng atawa nyarékan.
#
Lauk buruk milu mijah = piritan milu endogan = pipilueun kana hiji kalakuan ku lantaran kabawakeun ku batur, henteu kalawan kahayang sorangan, nepi ka goréng katénjona.
#
Legok tapak genténg kadék. = Loba luangna pangalamanana jeung kanyahona.
#
Leubeut buah héjo daun. = Keur meujeuhna loba rejeki, loba pakaya.
#
Leuleus jeujeur liat tali. = Pohara adilna, dina mutus hiji perkara tara beurat sabeulah, jeung loba pertimbanganana.
#
Leuleus Jeujeur liat tali. = Méméh mutus hiji perkara salah atawa bener ditimbang timbang heula alus goréngna supaya karasa adil.
#
Leunggeuh cau beuleum. = Teu lutreuk dina ngajalankeun hiji pagawéan.
#
Leutik burih. = Euweuh kawani.
#
Leutik cahak, gedé cohok. = Ari panghasilan saeutik tapi ari pangaluaran mah gedé.
#
Leutik leutik ngagalatik = Sanajan leutik awakna henteu jangkung tur gedé, tapi lébér ku wawanén.
#
Leutik ringkang gedé bugang. = Jelema mah teu beunang disapirakeun sabab sanajan leutik warugana, dina aya papaitna atawa bobor karahayuan mah bisa jadi kasusah saréréa.
#
Leuwi jero beunang diteuleuman, haté jelema najan déét teu kakobét. = Hadé goréngna pikiran jelema hésé dikira kirana.
#
Lieuk euweuh ragap taya. = Teuing ku miskin nepi ka teu boga naon naon.
#
Loba teuing jaksa. = Loba teuing anu pinter nu ngatur jeung mapatahan, balukarna matak bingung nu dipapatahan.
#
Lodong kosong ngelentrung. = Kalah ka loba omong baé, ari pangartina mah euweuh.
#
Luhur kuta gedé dunya. = Gagah tur beunghar taya kakurang.
#
Luncat mulang. = Teu beunang dicekelan omonganana, ayeuna kieu engké mah kitu.
#
Lungguh tutut. = Katénjona siga lungguh tapi saenyana mah henteu.
#

Maléngpéng pakel ku munding, ngajul bulan ku asiwung. = Ngajalankeun (mikarep) hiji perkara anu taya pihasileunana.
#

Maliding sanak. = Hanteu adil, pilih kasih.
#

Manan Léwéh mending waléh. = Leuwih hadé wakca balaka batan diahir meunang kasusah.
#

Mangpengkeun kuya ka leuwi. = Nitah mulang ka lemburna, atawa nitah pindah ka tempat bali geusan ngajadi.
#

Mapay ka puhu leungeun. = Mamawa ka kolot atawa ka guru, turtaning kolot atawa guru mah teu nyaho naon naon jeung euweuh patalina saeutik eutik acan.
#

Marebutkeun paisan kosong. = Marebutkeun hiji perkara anu teu aya hasilna atawa mangpaatna.
#

Maut nyéré ka congona. = Keur ngora senang, tapi ari ka kolotnakeun susah.
#

Méré langgir kalieun. = Méré naon naon anu bisa jadi aya pisusaheunana atawa pibahlaeunana.
#

Meuli téri meunang japuh = Nyair hurang meunang kancra. = Kalawan teu disangka sangka meunang milik, darajat atawa kauntungan anu leuwih gedé.
#

Meungpeun peureum ku ayakan. = Nyaho yén batur téh salah atawa migawé anu dilarang ku Nagara, tapi teu kitu kieu kalahka api api teu nyaho.
#

Meungpeung teugeu harianeun. = Embung pisan tutulung ka batur nu keur susah atawa loba kabutuh.
#

Miceun batok meunang coét. = Miceun nu goréng kulantaran hayang meunang anu alus, tapi tungtungna meunang nu goréng deui baé.
#

Mindingan beungeut ku saweuy. = Ari haté goréng, ngan budi parangi marahmay, perluna pikeun mindingan haté nu goréng téa maksudna supaya ulah kaciri téa.
#

Mipit teu amit ngala teu ménta. = Maling boga batur.
#

Miyuni hayam kabiri. = Leutik burih babari sumerah éléh atawa lalaki nu babari sumerah ka awéwé.
#

Moal ceurik ménta eusi. = Keun baé mawa wadah anu gedé ogé da lain hayang loba dibéréna.
#

Mobok manggih gorowong. = Meunang jalan pikeun ngalaksanakeun kahayang.
#

Mobok manggih gorowong. = Aya lantaran pikeun ngalaksanakeun kahayang anu henteu gampang pihasileun.
#

Monyét kapalingan jagong. = Tukang maling kapalingan, tukang tipu katipu, tukang ngarah nagrinah karoroncodan.
#

Mopo méméh munggang. = Horéam, teu sanggup saméméh prak.
#

Muncang labuh ka puhu = Kebo mulih pakandangan. = Mulang ka lemburna sabada mang taun taun aya di pangumbaraan/ panyabaan.
#

Mun teu ngoprék, moal nyapék. Mun teu ngakal moal ngakeul. Mun teu ngarah moal ngarih. = Lamun teu digawé niar kipayah tangtu pisusaheun pikeun hirup.
#

Mupugkeun tai kanjut. = Ngetrukeun pangaboga dina waktuna nyunatan atawa ngawinkeun anak anu kacida dipikameumeutna.