Bidadari Syurga
Dina salah sawios kisah anu di paparkeun ku Al Yafi’I Syekh Abdul wahid bin Zaid, dicrioskeun: dina salasawios dinten dina waktos nuju siap-siap bade angkat perang, manteuna nyungkeun sababaraha rerencangan pikeun ngaoskeun hiji ayat. Salah sawios pameget tampil bari ngaoskeun hiji ayat surat Attaubah ayat 111, anu hartosna:
Sayaktosna Allah parantos meser ti saban jalmi mu’min, tina harta sinareng tahta aranjeuna ku masihan sawarga pikeun aranjeuna.
Saparantosna ayat eta di aoskeun, hiji jajaka anom anu yuswana kirang langkung 15 tahun ngadeg tina pangcalikanana. Manteuna kenging harta warisan anu memang ngalimpah ruah tinujanteun ramana anu parantos pupus. Mantena kalayan sasauran: Wahaii Abdul wahid, Naha leres Allah Meser ti jalmi-jalmi mu’min diri sinareng hartana ku sawarga pikeun aranjeuna?” “ Nya Leres, Haei Jajaka” waleran Abdul wahid. Eta jajaka ngalajengkeun deui kana cariosannana: upami kitu mangga tinggal, sayaktosna diri kuring sinareng harta kuring dina detik ayeuna dijual kalayan sawarga.
Eta jajaka anom teh salajengna ngaluarkeun sadaya harta kakayaannana di sidekahkeun pikeun perjuangan. Mung ngan sakadar kuda sinareng pedangna wungkul anu teu di sidekah keun. Dugika tiba waktosna pemberangkatan pasukan, ternyata eta jajakateh sumping kalayan langkung awal. Eta jajaka jalmi anu awal anu katinggal dina pemberangkatan. Dina salebet perjalanan ka medan pertempuran jajaka eta upami siangna anjeuna saum sinareng wengina anjeuna teu kulem pikeun sakadar ibadah. Manteuna rajin ngurus onta-onta sinareng kuda tanggungan pasukan sarta ngajaga pasukan upami nuju karulem.
Sawaktos dugina ka daerah Romawi sinareng pasukan nuju ngatur siasat kanggo tempur, tiba-tiba anjeuna nuju ka payun sinareng ngagorowok kalayan tarik: Hei, kuring hayang wagiru tepang sinareng ainul mardiyah…” Bala tentara seeur anu ngemut yen eta jajakateh ragu sinareng pikirannana tos kacow teu waras. Teras dicaketan kalayan ditaros, saha ari ainul mardiyahteh. Anjeuna ngawaler. Tadi sawaktos kuring nuju tunduh kalayan sajorelat kuring ngimpen. Hiji jalmi sumping kalayan ngadekeutan bari cucumarios.” Geura indit anjeun ka ainulmardiyah. Anjeuna oge ngajak ka kuring lebet ka hiji taman anu dihandapna aya hiji solokan anu caina pisanan bersih sinareng di sagedengeunnana aya katinggal para bidadari calik kalayan ngegeulis nganggo perenakperenik anu endah. Dina waktos ninggal kana kasumpingan kuring aranjeuna kalayan bingah bari nyarioskeun. Iyeu caroge Ainul mardiyah.
Assalamualaikum” Cariosan kuring salam ka aranjeuna. Naha aya diantara anjeun anu jenengannana Ainul Mardiyah? Aranjeuna ngawaler salam sinareng cucumarios: Sanes, abdi sadaya nyaeta mung pembantuna. Lajengkeun lengkah anjeun” sababaraha kali eta jajaka dugi kahiji taman-taman anu langkung indah kalayan bidadari anu langkung geulis, tapi waleran aranjeuna sami, maranteuna mung saukur pembantu sinareng miwarang neraskeun kana lengkah kuring.
Akhirna kuring dugi oge kana hiji kemah anu didamel tina mutiara anu warnana bodas nyacas. Dina panto kemah aya hiji bidadari anu dina waktos ninggal kahadiran kuring anjeuna katinggal pisnan bingahna, sinareng ngagentraan kanu aya di lebet: Hai Ainul mardhiyah, iyeu caroge anjeun sumping.
Dinawaktos simkuring di sanggakeun lebet katinggal bidadari anu pisanan geulisna calik di hiji sofa emas anu di taburan permata sinareng yaqut. Dina waktos kuring nyaketan anjeuna cucumarios: sing sabar, anjeun teuacan diijinan langkung caket ka kuring., margi arwah kadunyaan masih aya dina diri anjeun. Eta jajaka anom nyarioskeun kajadian anu ngarandapan kana dirina. Salajengna eta jajakateh cucumarios wahai abdul hamid . kuring tos teu sabar ngantosan anu lami.
Sateuacan eta obrolan dipungkas, sacara teu kauninga eta kelompok musuh nyerang nyerbu ka nu nuju ngobrol. Eta jajaka ngadeg kalayan ngalabrak sadayana eta musuh. Satos pertempuran eta hiji jalmi nalumpik, pas ditingga eta jajakateh dina awaksakujur pinuh ku tebasan pedang getihna crutcrat dina anggoannana. Manteuna kalayan seuri mesem pinuh ku kabagjaan. Dugika arwahna papisah antara jiwa katut ragana.
Tidak ada komentar:
Posting Komentar